Almatyda qoǵamdyq kólikte jol júrý aqysy ázirge kóterilmeıdi

ALMATY. QazAqparat - Almatyda ázirge qoǵamdyq kólikte jol aqysy kóterilmeıdi. Bul týraly Almaty qalalyq mobıldilik basqarmasy bastyǵynyń orynbasary Erlan Ádilov aıtty, dep habarlaıdy QazAqparat tilshisi.

«Ázirge bul máseleni qarastyryp jatqan joqpyz, óıtkeni qoǵamdyq kólikti damytý tujyrymdamasy bar. Sondyqtan basqarma jol aqysyn kóterý týraly sóz qozǵaǵan joq. Árıne, bıýdjetke aýyrtpalyq túsirgimiz kelmeıdi, tarıfti kóterý kerek, biraq azamattar men jolaýshylardyń áleýmettik jaǵdaıyn da esten shyǵarmaý qajet. Bul - bir kúnde sheshiletin másele emes», - dedi Erlan Ádilov.

Buǵan deıin ol Almatyda qoǵamdyq kólikte júrip-turýdyń naqty ortasha qunyn ataǵan bolatyn.