Almatyda qoǵamdyq kólikte maska rejımin buzǵan 52 adamǵa aıyppul salyndy

ALMATY. QazAqparat - Almatyda qoǵamdyq kólikte maska rejımin buzǵan 52 adamǵa aıyppul salyndy, dep habarlaıdy QazAqparat tilshisi.

Almatyda monıtorıng top ókilderi 108 avtobýs pen trolleıbýsta maska rejıminiń saqtalýyn tekserdi.

Epıdemıologtardyń aıtýynsha, qoǵamdyq kólik koronavırýsty juqtyrýy múmkin oryndardyń qatarynda jáne tekserýshilerdiń jumysy kúsheıtilgen. Olar jolaýshylar men kólik júrgizýshileriniń maskany durys taǵýyn qadaǵalaıdy.

Mysaly, 13-14 qyrkúıekte Almatyda júrgizilgen tekserýler kezinde QR ÁQBtK 1-bóliminiń 425-baby boıynsha qoǵamdyq kólikte betperde rejımin saqtamaǵany úshin 52 jeke jáne 1 zańdy tulǵa ákimshilik jaýapqa tartyldy. Eki kún ishinde 222-den astam avtobýsta monıtorıng júrgizildi. №34, 36, 72, 73, 102, 135, 217, 120,25,65,66,5,19,66,141,29, 202,78,23,47,118,16,67,11 qala baǵyttarynda buzýshylyqtar anyqtaldy.

Jalpy, jyl basynan beri qoǵamdyq kólikte 688 avtobýsqa monıtorıng júrgizildi, jolaýshylar arasynda 140 ereje buzýshy anyqtaldy.