Almatyda qoǵamdyq kólikte maska rejımin buzǵan 41 adam jaýapqa tartyldy

ALMATY. QazAqparat - Almatyda qoǵamdyq kólikte maska rejımin buzǵan 41 adamǵa aıyppul salyndy, dep habarlaıdy QazAqparat tilshisi.

«Almatyda qoǵamdyq kólikterde úshinshi apta maska rejıminiń saqtalýy tekserilip jatyr. Monıtorıng toptary baqylaýdy kúsheıtti. Sonymen qatar, yqtımal juqtyrý oryndarynyń arasynda SOSO men bazarlar da bar», - dep habarlady qalalyq ákimdikten.

12 jáne 13 tamyz kúni monıtorıng toby 163 avtobýsty tekserdi. Qalanyń qoǵamdyq kólikterinde maska rejımin saqtamaǵany úshin 41 jolaýshyǵa QR Ákimshilik kodeksiniń 425-babynyń 1-bólimi boıynsha ákimshilik hattama toltyryldy.

Eske salaıyq, Almaty «qyzyl» aımaqta. 15 tamyz kúngi málimet boıynsha, ótken táýlikte megapolıste koronavırýs ınfektsııasyn 1 503 adam juqtyrdy. Munyń ishinde sımptomdy, jeńil jáne ortasha deńgeıdegi belgilermen – 1 419, sımptomsyz – 84 naýqas tirkeldi.