Almatyda qoǵamdyq kólikte maska rejımin buzǵan 27 adamǵa aıyppul salyndy

ALMATY. QazAqparat - Almatyda qoǵamdyq kólikte maska rejımin buzǵan 27 adamǵa aıyppul salyndy, dep habarlaıdy QazAqparat tilshisi.

12 tamyz kúni monıtorıng top qoǵamdyq kóliktegi karantın rejımin saqtaý boıynsha kóshpeli tekserý uıymdastyrdy. Bir táýlik ishinde 91 avtobýs tekserildi.

Nátıjıesinde Almaty qalasynyń qoǵamdyq kólikterinde maska rejımin saqtamaǵan 27 jeke tulǵaǵa QR ÁqbK-niń 425-babynyń 1-bóligine sáıkes ákimshilik hattama toltyryldy.

Almaty ákimdigi qala turǵyndary men qonaqtaryn ózderiniń jáne aınalasyndaǵylardyń densaýlyǵyn saqtaý úshin sanıtarlyq-epıdemıologııalyq talaptardy qatań ustanýǵa shaqyrady.

Reıd barysynda almatylyqtarǵa birqatar nusqaý berildi:

- jeke tulǵamen baılanystan aýlaq bolý, qushaqtasyp, qol alyspaý;

- qoldy jıi jýý, úıden tys jerde bir rettik salfetkany qoldaný;

- jótelgende, túshkirgende betoramaldy qoldaný, shyntaqty ıip túshkirý;

- úıden shyǵarda medıtsınalyq maska taǵý. Úıge oralǵanda maskany, qolǵapty eppen sheship, paketke salyp, ýrnaǵa tastaý. Sodan keıin qoldy jýý nemese dezınfektsııalaý.

Turǵyndar qoǵamdyq kóliktegi qaýipsizdik sharalaryn qatań saqtaýlary tıis, ol úshin:

- qoǵamdyq kólikte júrgende qoldy dezınfektsııalaý;

- sońǵy aıaldamaǵa jetken soń qoldy birden sabyndap jýý;

- eger bireý jótelse nemese túshkirse aýyz ben murnyndy taza betoramalmen nemese salfetkamen jabý. Olar bolmasa betti alaqanmen emes, shyntaqtyń ishki jaǵymen qorǵaý;

- jótelgen nemese túshkirgen adamnan aýlaq bolý. Kólik jolaýshylarǵa toly bolsa, onda kelesisin kútý;

- qoǵamdyq kólikte jolaýshylarmen sóılespeý. Múmkindiginshe olardan tıisti (jolaýshy toly kólikke kirmeý, kelesi kólikti kútý) qashyqtyqta bolý;

- múmkin bolsa kólik terezelerin ashý;

- dittegen jerge jetkenshe qoldy betke (aýyzǵa, murynǵa, kózge) tıgizbeý.