Almatyda qoǵamdyq kólik jumysyna qandaı talaptar qoıyldy
ALMATY. QazAqparat - Almatydaǵy qoǵamdyq kólikterde júretin jolaýshy sany otyratyn orynnan aspaýy kerek, dep habarlaıdy QazAqparat tilshisi.
Almaty qalasynyń bas memlekettik sanıtarlyq dárigeri Jandarbek Bekshınniń qaýlysyna sáıkes, qoǵamdyq kólik, taksı men mamandandyrylǵan kólikter sanıtarlyq jáne dezınfektsııalyq rejımge saı bolýy kerek. Sonymen qatar, qoǵamdyq kólikte jolaýshyǵa kórinetin jerde júrgizýshi týraly aqparat ilinip týrýy (júrgizýshiniń tólqujaty, qyzmet kórsetetin kompanııa týraly málimet, telefon jáne kólik nómiri) tıis.
Sonymen qatar, qoǵamdyq kóliktegi jolaýshy sany otyratyn orynnan aspaýy kerek.
Budan bólek, gıgıenalyq sharalardy saqtaý talaptary kúsheıtiledi. Sońǵy aıaldamada qoǵamdyq kóliktiń ishine dezınfektsııa jasap, dymqyl tazalaý júrgizý qajet. Ár 3 saǵat saıyn jeke qorǵanys quraldaryn (bet maskasy, qolǵap) aýystyryp otyrý mindetteledi.
Aıta kterligi, epıdemıologııalyq jaǵdaıǵa baılanysty karantındik sharalar men rejımder ózgerýi múmkin.
