Almatyda qoǵamdyq kólik róline mas kúıinde otyrǵandar azaımaı otyr
ALMATY. Shildeniń 28-i. QazAqparat /Erbol Azanbek/ - Almatyda ótken táýlikterde qoǵamdyq kólik róline mas kúıinde otyrǵan taǵy 2 júrgizýshi ustaldy .
Qalalyq Іshki ister departamentiniń habarlaýynsha, júrgizýshilerdiń birin jol polıtsııalary tańǵy saǵat 7-de Medeý aýdanynda toqtatqan. Tekserý barysynda onyń qoǵamdyq kólikti esirtkige eltigen kúıi basqaryp bara jatqany anyqtalǵan. Júrgizýshiniń sózine qaraǵanda, ol esirtkini 2 jyldan beri qoldanady. Al ekinshi júrgizýshi ótken túni syra ishkenin moıyndaǵan. Almaty qalalyq ІІD Jol polıtsııasy basqarmasy bastyǵynyń orynbasary, polıtsııa polkovnıgi Muqan Dosymbaevtyń aıtýynsha, esirtkige eltigen júrgizýshini avtopark basshylyǵy tańǵy tekserýsiz jumysqa jibergen. Endi eki júrgizýshi men avtopark basshylyǵy jaýapkershilikke tartylmaq.
Jalpy Almatyda apta saıyn kólikti mas kúıinde basqarǵan qoǵamdyq kólik júrgizýshileriniń ustalýy ádetke aınalǵandaı. Jol polıtsııasy basqarmasynyń málimetinshe, jyl basynan beri Almatyda qoǵamdyq kólik júrgizýshileriniń qatysýymen úsh myńnan astam zańbuzýshylyq anyqtalǵan. 18 júrgizýshi mas kúıinde ustalǵan.
