Almatyda qoǵamdyq kólik keshki toǵyzǵa deıin ǵana júretin boldy
ALMATY. QazAqparat – Almatyda qoǵamdyq kólik 21:00-ge deıin qatynaıtyn bolady. Bul týraly qalalyq ákimdiktiń baspasóz qyzmeti taratqan habarlamada aıtyldy, dep habarlaıdy QazAqparat tilshisi.
«Qaladaǵy jolaýshylar aǵynyn taldaý nátıjesinde qoǵamdyq kólikte jolaýshylar aǵyny 70% azaıǵany baıqalǵan. Soǵan baılanysty Almatyda tótenshe jaǵdaı rejimin qamtamasyz etý boıynsha jedel áreket etý shtaby qalalyq marshrýttardyń ýaqytyn qysqartýdy uıǵardy. Endi 24 naýryzdan bastap qaladaǵy avtobýstar keshki 21:00-ge deıin qatynaıtyn bolady», - dedi baspasóz qyzmetinen.
Al qalaaralyq jáne qala syrtyndaǵy marshrýttar jumysyn toqtatty.
