Almatyda qoǵamdyq kólik qarsy jolaqqa shyǵyp ketti
ALMATY. QazAqparat - Áleýmettik jelide qarsy jolaqpen ketip bar jatqan avtobýstyń beınekórinisi jarııalandy. Materıal «OSA» qoǵamdyq birlestiginiń Facebook paraqshasyna salynǵan.
Beınekóriniste qoǵamdyq kóliktiń jol erejesin óreskel buza otyryp, Súleımenov kóshesiniń boıyndaǵy qarsy jolaqtaǵy jolǵa shyǵyp ketkendigi baıqalady. Oqıǵanyń bolǵan ýaqyty jarııalanbaǵan. Almatyda qoǵamdyq kólikterdiń qatysýymen bolatyn jol-kólik oqıǵalary jıi kezdesip turady. Mysaly qyrkúıek aıynda trollleıbýs júrgizýshisi avtobýstan shyǵyp kele jatqan 15 jasar mektep oqýshysyn qaǵyp ketken edi. Jol-kólik oqıǵasy «Saıran» metro stantsııasynyń mańynda, Abaı dańǵylynyń boıynda oryn alǵan.
«№25 avtobýstyń júrgizýshisi ruqsat etilmegen jerge toqtap, jolaýshylardy kólikten shyǵýǵa májbúrlegen. Olardyń arasynda eń birinshi bolyp kólikten 15 jasar oqýshy shyǵyp, ony úlken jyldamdyqpen kele jatqan jáne aıaldamaǵa kelip toqtamaq bolǵan trolleıbýs qaǵyp ketti. №25 avtobýstyń júrgizshisi oqıǵa ornynan ketip qalǵan. Al, oqýshy bala qazir aýrýhanada jatyr jáne onyń jaǵdaı aýyr»,-dedi balanyń anasy.
