Almatyda qoǵamdyq keńes quramy keńeıedi

ALMATY. QazAqparat - Búgin Almaty qalasynda H Azamattyq forýmynyń qatysýshylary qalanyń Qoǵamdyq keńesin keńeıtý qajettiligi týyndaǵanyn atap ótti, dep habarlady «QazAqparat» HAA tilshisi.

Qoǵamdyq keńester róli men olardy damytý jaıynda «100 naqty qadam» Ult josparynyń 99-shy qadamynda aıtyldy. «Strategııalyq josparlar men aýmaqtardy damytý baǵdalamalary  (bıýdjetter, esepter,    maqsatty ındıkatorlarǵa qol jetkizý), azamattardyń quqyqtary men bostandyqtaryn qozǵaıtyn normatıvtik quqyqtyq aktiler jobalary, baǵdarlamalyq qujattar jobalarynyń oryndalýyn talqylaý bóligindegi memlekettik organdar men ákimder janyndaǵy qoǵamdyq keńesterdiń rólin kúsheıtý».

Qoǵamdyq keńesterdiń mártebesi men ókilettikterin zańmen bekitý memlekettik sheshimderdi qabyldaý ashyqtyǵyn arttyrady. «Ózderińiz bilesizder, bizde bıyl 37 adamnan turatyn Qoǵamdyq keńes quryldy. Ol azamattyq sektordy qamtıdy. Almaty qoǵamdyq keńesi búginde   úlgi bolýda, basqa óńirlerden áriptesteri tájirıbemen almasýdy surap jatady.

Búgin biz keńestiń jańa múshesi týraly máseleni kóteremiz, Almaty qalasy úshin qazirgi quram azdyq etedi», - dep atap ótti ishki saıasat basqarmasynyń basshysy N. Sydyqov. Qoǵamdyq keńes tóraǵasy Rahman Alshanov muny qoldady.  «Biz Qoǵamdyq keńes múshelerin 6 komıssııaǵa bóldik. Basty mindetterge  qol jetkizdik - barlyq problemalardy tyńdadyq.

Biz táýlik boıy jer máselesin sheshý boıynsha jumys istedik. Qalamen baılanysty da kóptegen máseleler bar. Mysaly, PIK, lańkestik máseleleri. Qazir keńeıetin ýaqyt keldi», - dedi   O. Alshanov.

Eske salsaq, naýryzda 37 adamnan turatyn Qoǵamdyq keńes qurylǵan.