Almatyda qoǵamdyq ájethana jobasy daıyndalyp jatyr
ALMATY. QazAqparat – Almatyda qoǵamdyq ájethanalar ornatý jobasy daıyndalyp jatyr. Bul týraly qala ákimi Erbolat Dosaev aıtty, dep habarlaıdy QazAqparat tilshisi.
Almaty ákimimen kezdesýge kelgen Bostandyq aýdanynyń turǵyndary qala basshysynan ál-Farabı dańǵylyndaǵy prezıdent saıabaǵyna qoǵamdyq dárethana ornatyp berýdi surady. «Jańa joba ázirlenip jatyr. Sonyń aıasynda saıabaqtyń ishinde dárethanalar bolady. Olardyń jaqsy bolýyn da eskeremiz. Ókinishke oraı, jalpy qaladaǵy qoǵamdyq dárethanalar – óz aldyna bólek másele. Qazir bizde qalada salynǵan 20 dárethana týraly sheshim qabyldadyq. Jańa basqarýshy kompanııa munymen qalaı kúresetinin kóreıik»,- dedi ol.
Ákim óziniń orynbasaryna saıabaqqa qansha ájethana qajet ekenin anyqtaýdy tapsyrdy.
«Maǵan 4 dárethanany kórsetti. Degenmen qajet bolsa, olardyń arasyndaǵy qashyqtyqty azaıtyp, balalar men qarttarǵa qoljetimdilikti arttyrý úshin saıabaqtaǵy dárethana sanyn kóbeıtýge bolady dep oılaımyn»,- dedi Erbolat Dosaev.
