Almatyda kógaldaǵy hokkeıden Qazaqstan chempıonaty ótip jatyr

18 shilde kúni bastalǵan jarystyń aqtyq oıyndary 25 shildede ótedi. 500-ge jýyq sportshynyń basyn qosqan bul dúbirli dodany QR Kógaldaǵy hokkeı federatsııasy uıymdastyryp otyr. 

Oǵan bastamashy bolǵan KSRO-nyń 6 dúrkin, Malaızııanyń 2 dúrkin chempıony jáne Álem, Eýropa chempıonattary men Álem kýboktarynyń birneshe márte jeńimpazy bolǵan QR Kógaldaǵy hokkeı federatsııasynyń vıtse-prezıdenti Berikqazy Seksenbaev.

 KSRO-nyń eńbek sińirgen sport sheberi B.Tóleýbekulynyń jetekshiligimen 2009 jyl Qazaqstannyń áıelder quramasy Azııa kýbogynda ekinshi oryn alsa, 2010 jyly Azııa kýbogyn ıelendi. 2011 jyly Halyqaralyq kógaldaǵy hokkeı federatsııasynyń Álemdik lıgasyna qatysý quqyn  alǵan Qazaqstannyń áıelder  quramasy endi, 11-16 qyrkúıek kúni Malaızııanyń Kýantan qalasynda ótetin alǵashqy aınalymda óner kórsetetin bolady.