Almatyda KO aıasynda salyq jáne kedendik ákimshilik etýdiń mańyzdy suraqtaryn talqylaıdy

ALMATY. 16 qyrkúıek. QazAqparat - Almatyda aǵymdaǵy jyldyń 20 qyrkúıeginde 8-shi «Kedendik odaq: salyq jáne kedendik ákimshilik etýdiń mańyzdy suraqtary. Kameralyq baqylaý jáne salyq tekseristeri: problemalar men olardy sheshý joldary» salyq konferentsııasy ótedi.

Bul sharany Qazaqstan salyq tóleýshiler qoǵamdastyǵy Salyq komıteti jáne QR Qarjy mınıstrligi Kedendik baqylaý komıtetimen birlese ótkizedi.

Máslıhattyń birinshi bóligi Kedendik odaq taqyrybyna arnalmaq. Munda ózara saýdadaǵy salyqtyq ákimshilik etýdiń mańyzdy suraqtary, bolashaqqa degen perspektıvalary qaralady. Al ekinshi bóliginde Qazaqstandaǵy kameralyq baqylaý jáne salyqtyq tekserister men olardy sheshý joldary talqyǵa túsedi.

Konferentsııaǵa elimizdegi múddeli vedomstvo ókilderi jáne sheteldik memleketterden konsaltıngtik kompanııalar men salyq tóleýshiler qatysady.