Almatyda klıentterdi aldap soqqan týrfırma dırektory ustaldy
ALMATY. QazAqparat – Almatyda alaıaqtyqpen aınalysqan týrfırma dırektory ustaldy, dep habarlaıdy QazAqparat tilshisi.
Qalalyq polıtsııa departamentiniń habarlaýynsha, 38 jastaǵy áıel týrıstik qyzmet kórsetýmen aınalysqan fırmaǵa basshylyq etken.
«Bul kelinshek munyń aldynda Barselona men Antalıaǵa demalys uıymdastyryp júrgen. Klıentterge jaqsy qyzmet etkendikten, týrıstik fırmaǵa júginetinder kóp bolǵan. Týrıstik fırma dırektory Ispanııada demalmaq bolǵan 4 áıelden 1,5 mln teńge alǵan. Bul qarajatqa qonaq úı men baryp-kelý aqysy kirgen. Alaıda, demalysqa barǵan klıentter bul ıgilikterden qaǵylǵan. Áıel bul qarajatty óz maqsatyna jumsaǵan. Sonymen qatar, Túrkııaǵa bet alǵan týrıster de týroperatordyń kesirinen aldanyp, dittegen demalysyna jete almady», - dedi polıtsııadan.
Kúdikti áıel buryn da osyndaı áreketi úshin qylmystyq jaýapqa tartylǵan. Polıtsııa onyń budan basqa taǵy 10 qylmysqa qatysy baryn anyqtady.
«Kúdikti óz qylmysyn moıyndap, istegen isine ókinip otyr. Oǵan QR QK 190-babynyń 3-bólimimen aıyp taǵyldy. Bul azamatshanyń áreketinen japa shekken azamattardyń 8-702-503-96-29, 8-701-718-70-69 telefondaryna habarlasýyn ótinemiz», -dedi Áýezov aýdandyq polıtsııa basqarmasynyń bólim basshysy Jasulan Turyspaev.
