Almatyda KITF - 2010 «Týrızm jáne saıahattar» atty Qazaqstannyń halyqaralyq týrıstik jármeńkesi ótedi
ASTANA. Naýryzdyń 31-i. QazAqparat - Ústimizdegi jylǵy sáýir aıynyń 21-23 aralyǵynda Almatydaǵy Qazaqstan iskerlik yntymaqtastyq ortalyǵynda KITF - 2010 «Týrızm jáne saıahattar» atty Qazaqstannyń H-shy mereıtoılyq halyqaralyq týrıstik jármeńkesi ótedi,
dep habarlaıdy QazAqparat QR Týrızm jáne sport mınıstrliginiń baspasóz qyzmetine silteme jasap.
Kórme Qazaqstannyń týrıstik ımıdjin qalyptastyrýǵa jáne nyǵaıtýǵa, otandyq týrıstik ónimdi álemdik naryqqa shyǵarýǵa jáne elimizge keletin sheteldik týrıster aǵynyn arttyrýǵa baǵyttalǵan negizgi is-shara bolyp tabylady. Jármeńke qazaqstandyq týrıstik uıymdarǵa áriptestik baılanystar ornatý men ózara tıimdi kelisimsharttar jasaý úshin qolaıly jaǵdaılar jasaýǵa járdemdesetin naqty tetik bolyp tabylady.
Kórmege Ulttyq Týrıstik Ákimshilikter men 30-dan astam elden týrbıznes ókilderi qatysady dep kútilýde.
Sondaı-aq, kórme sheńberinde eldiń basty týroperatorlarynyń qatysýymen týrıstik salany damytý máseleleri boıynsha respýblıkalyq semınar ótkiziletin bolady.
