Almatyda kisi óltirip, japondyq avtokólikterdi urlaýmen aınalysqan qylmystyq top ustaldy - ІІM
ASTANA. Naýryzdyń 10-y. QazAqparat /Jasulan Amanbaıuly/ - Almatyda kisi óltirip, japondyq avtokólikterdi urlaýmen aınalysqan qylmystyq top ustaldy.
Bul týraly búgin aptalyq brıfıng barysynda Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
Olar 2007 jyly qarashanyń 21-i kúni Almatyda saýyqtyrý kesheniniń avtoturaǵyna enip, 73 jastaǵy kúzetshiniń qol-aıaǵyn, aýzyn skotchpen baılap, «Toıota Prado» kóligin ıemdenip ketken. 73 jastaǵy kúzetshi oralǵan skotchtan tynys ala almaı kóz jumdy.
Sonymen qatar álgiler Almaty qalasynyń turǵyny, 20 jastaǵy qyzdy tonap, onyń Leksýs kóligin kúshpen tartyp alyp ketken.
Aqpan aıynda Krımınaldyq polıtsııa basqarmasyna atalǵan qylmystyq top jaıynda jedel aqparat kelip tústi. Naýryzdyń 3-i kúni úsh adamnan quralǵan qylmystyq top ustaldy. Top 1988 jyly týǵan, Almaty jáne Jambyl oblystarynyń turǵyndary bolyp shyqty.
«Urlanǵan avtokólikterdiń turǵan jeri anyqtalýda. Qylmystyq toptyń osyǵan uqsas qylmystarǵa qatystylyǵy tekserilýde», deıdi Q. Jumanov.
