Almatyda Kishi Almaty men Esentaı jaǵalaýlary qalaı ózgerdi

ALMATY. QazAqparat - Almaty qalasy Medeý aýdanynyń ákimi Áset Masabaev Óńirlik kommýnıkatsııalar qyzmeti alańynda Kishi Almaty, Esentaı jáne Tiksaı ózeni arnasynyń boıyndaǵy jaıaý júrginshiler aımaǵyn rekonstrýktsııalaý týraly aıtyp berdi, dep habarlaıdy QazAaqparat tilshisi.

«Bul aýmaqtardy abattandyrýdyń basty mindeti – Almaty jaǵalaýlaryn jaıly jáne qaýipsiz jerge aınaldyrý. Ol úshin biz trotýarlardy keńeıtip, butalar otyrǵyzdyq. Sý mańyndaǵy keńistik jaıaý júrginshilerge berildi, balalar alańdary paıda boldy», - dedi Áset Masabaev.

Sondaı-aq, Kishi Almaty ózeniniń boıyndaǵy jaıaý júrginshiler aımaǵyn qaıta jańartý júrgizildi. Uzyndyǵy 9 shaqyrym jaıaý júrginshi joly abattandyryldy, aýmaqta jasyl qor jaqsartyldy, 5 myńǵa jýyq buta ósimdikteri otyrǵyzyldy, gabıon qurylymdary nyǵaıtyldy jáne qalpyna keltirildi.

«Sonymen qatar, Maqataev kóshesindegi kópir qaıta jóndeldi. Qalalyqtarǵa yńǵaıly bolý úshin jańa oryndyqtar jańartylyp, qosyldy, navıgatsııalyq stendter men aqparattyq stelalar ornatyldy. Sondaı-aq, ál-Farabı dańǵylynyń astyndaǵy týnnel abattandyryldy, al oqýshylar saraıy ǵımaratynyń artynda baqylaý alańy quryldy. Keńistiktiń úılesimdiligi men tutastyǵyn saqtaý úshin barlyǵy aǵashtan jasalǵan, dedi aýdan ákimi. Qala turǵyndarynyń kóptegen ótinishteri boıynsha sanıtarlyq toraptar ornatylyp, qosylǵan, sondaı-aq balalar alańdary uıymdastyrylǵan»,- deıdi aýdan ákimi.

Onyń aıtýyesha, Esentaı ózeni mańynda jańa promenadtyq aımaqtyń qurylysy júrip jatyr. Sý bólgishten Jamaqaev kóshesine deıingi jaıaý júrginshiler aımaǵynyń jalpy uzyndyǵy 4,2 shaqyrym bolady.

Búginde 1,8 shaqyrym birinshi ýchaskede jaıaý júrginshiler jolyn salý jáne jaǵalaýdy bekitý jumystary aıaqtaldy.

Jaǵalaýda jaryq shamdary, oıyn jáne sport alańdary ornatyldy. Kógaldandyrý jumystary júrgizildi, 3 myń sharshy metr aýmaqqa 3 myńnan astam butalar men basqa da kópjyldyq ósimdikter otyrǵyzyldy. 800 metr aǵash jaıaý júrginshi joly jáne 1,6 shaqyrym asfalt joly salyndy.

Munda sondaı-aq qaraý alańy men ózenge ashyq kórinetin ekologııalyq materıaldardan jasalǵan oryndyqtar qarastyrylǵan.

Áset Masabaev Tiksaı ózeniniń arnasy jańartylatynyn tilge tıek etti.

Onyń aıtýynsha, jaǵalaýdy nyǵaıtý júrip jatyr, al jaǵalaýda tazalanbaǵan ýchaskelerdiń ornyna jaıaý júrginshiler joly bar jańa qoǵamdyq keńistikter qurylatyn bolady. Jaǵalaý jaryqtandyrylady, jumystardy aıaqtaý 2022 jylǵa josparlanǵan.

Sonymen qatar, Medeý aýdanyndaǵy Dostyq gúlzarynda Kishi Almaty ózeni boıynda Qurmanǵazy kóshesinen Gogol kóshesine deıin kúrdeli jóndeý jumystary júrgizildi.

Jaryqtandyrý, oryndyqtar men qoqys jáshikterin ornatý jumystary júrgizildi, brýschatka men jańa asfalt tóseldi.

Sondaı-aq, balalar men sport alańdary paıda boldy, aǵashtar, gúlzarlar men butalar otyrǵyzyldy.

Osy jyly Jamal Omarova kóshesindegi Dostyq dańǵylynan Lýganskıı kóshesine deıingi jalpy uzyndyǵy 500 metr jaıaý júrginshiler jolyna aǵymdaǵy jóndeý jumystary aıaqtaldy.

Qoǵamdyq keńistik qalpyna keltirildi, kógaldar, butalar men aǵashtar otyrǵyzyldy, jaryqtandyrý baǵanalary ornatyldy, trotýar plıtkalary tóseldi.