Almatyda qısaıǵan úılerdiń turǵyndary taǵy da ákimge shaǵymdandy
ALMATY. QazAqparat – Almatyda Zerdeli shaǵyn aýdany turǵyndary tikeleı efırde qala ákimi Baqytjan Saǵyntaevqa taǵy shaǵymdandy, dep habarlaıdy QazAqparat tilshisi.
Ákimdik qalpyna keltirgen úılerge qaıta kóshken turǵyndardyń kóńili áli jaılanar emes.
«Osy baǵytta úlken jumys jasaldy. Bul suraq qoǵam men BAQ baqylaýynda tur. Qalpyna keltirý jumystary aıaqtaldy. Qazaq Qurylys-sáýlet ǵylymı zertteý jáne Jobalaý ınstıtýty kesimdi sheshim shyǵardy. Úı tekserýden ótti. Synǵan esikter, qasbet podezder qalpyna keltirildi. Kóp adamdar úılerine qaıta kóship keldi. Biraq, olardyń keıbireýleri áli de jasalǵan jumysqa kóńili tolmaı jatyr. Olarmen jeke-jeke jumys júrgizetin bolamyz», - dedi ákim.
Qala ákimi osy aýdanda turǵan basqa da úıler kúsheıtilip jatqanyn aıtty.
«Qazir ekinshi úı qalpyna keltirilip jatyr. Jalpy alǵanda 6 úıde osyndaı jumys júrgiziledi. Jaqyn arada oǵan qarajat bólinedi», - dedi ákim.
Eske salaıyq, Almatyda Zerdeli shaǵynaýdanynda kópqabatty úıdiń qabyrǵasy bir jaǵyna qısaıa bastaǵan soń turǵyndar dabyl qaqqan bolatyn.
2019 jyldyń sońǵy aılarynda bastalǵan úıdiń negizi men tirek konstrýktsııalaryn júıeli túrde zertteý, ǵımarattyń kún saıynǵy qısaıýyn ólsheý jáne onyń múmkin bolatyn serpinin qadaǵalaǵan QazQSǴZI zerthanasynyń mamandary osy úıde turý qaýipsizdigine qatysty qorytyndy jasady.
Mamandardyń málimeti boıynsha, qalpyna keltirý jumystary aıaqtalǵannan keıin úı odan ári paıdalanýǵa jaramdy bolady. Barlyq turǵyndar qala ákimshiligi esebinen jalǵa beriletin baspanamen qamtamasyz etilgen. Balalaryn balabaqshalar men basqa da bilim berý mekemelerine ornalastyrýǵa kómek kórsetildi. Almaty ákimi Baqytjan Saǵyntaev esepti kezdesýinde atalmysh shaǵynaýdan turǵyndarynyń saýalyna jaýap bergen bolatyn.
