Almatyda kir tasyn kóterý men armrestlıngten Qarýly kúshterdiń jeke komandalyq chempıonaty ótip jatyr
ASTANA. 9 aqpan. QazAqparat - Búgin Almatyda Qazaqstan Respýblıkasy Qorǵanys mınıstrligine qarasty Armııashylardyń ortalyq sport klýby bazasynda kir tasyn kóterý men qol kúresinen Qarýly kúshterdiń jeke komandalyq chempıonaty bastaldy.
QR QM-nen málim etkendeı, spartakıadanyń birinshi baǵdarlamasy boıynsha oqý oryndary kýrsanttarynyń arasynda sporttyń qoldanbaly jáne oıyn túrlerinen jarystar ótkiziletin bolady.
13 aqpanǵa deıin jalǵasatyn jarystarǵa Qurlyq áskerleri Áskerı ınstıtýty, Radıoelektronıka jáne baılanys áskerı ınjenerlik ınstıtýty, Áýe qorǵanysy kúshteri áskerı ınstıtýty, Áskerı-teńiz kúshteri áskerı ınstıtýty, Sh.Ýálıhanov atyndaǵy Kadet korpýsy men ІІM Áskerı ınstıtýtynyń (Petropavl qalasy) komandalary qatysýda.
QR Qarýly kúshteri spartakıadasynyń baǵdarlamasyna sáıkes, jyl saıyn áskerı-qoldanbaly sport oıyndary túrlerinen 10 chempıonat ótkizilip turady.
