Almatyda kınoteatrlar qashan ashylady

ALMATY. QazAqparat – Almatyda kınoteatrlar, saýda oryndaryndaǵy balalar oınaıtyn alańdar men fýd-korttar áli ashylmaıdy. Bul týraly Almaty qalasynyń bas memlekettik sanıtar dárigeri Jandarbek Bekshın málim etti, dep habarlaıdy QazAqparat tilshisi.

«Qalada kontsertter men sport jarystaryn ótkizýge áli erte. Qazir balabaqshany ashý jóninde usynystar túsip jatyr, olardy kezeń-kezeńimen ashamyz, ázirge kezekshi toptar jumys istep tur. Іri oıyn-saýyq ortalyqtarynda ornalasqan kınoteatrlar, fıtnes ortalyqtary, balalar oınaıtyn alańdar men fýd-korttyń jumys isteýine tyıym salynady. Ruqsat bermedik. Adamdardy bir jerge jınap, shoǵyrlandyrýǵa bolmaıdy»,-deıdi Jandarbek Bekshın.

Sonymen qatar, ol qaladaǵy blokpostardy almas buryn qala jáne aýdandyq ákimdiktiń atsalysýymen daıyndyq júrgizgenin aıtty. Monıtorıng tobyna kásipkerler palatasy, ákimdik, polıtsııa qyzmetkerleri men sanıtarlar kirgen.

«Mekemelerdiń jumysyna ruqsat bermes buryn olarǵa túsindirý jumysyn júrgizip, keńes berdik. Tek sodan keıin ǵana qaladaǵy tamaqtaný oryndary men sán salondary ashyldy. Al búginnen bastap azyq-túlik satpaıtyn bazarlar iske qosyldy. Olardyń bárine aldyn ala talaptar qoıyp, nusqama ázirlep berdik»,– deıdi ol.