Almatyda kınoteatrǵa kirmek bolǵan naýqastar «Ashyq» jobasy arqyly anyqtaldy
ALMATY. QazAqparat – Búgin Almatydaǵy bes kınoteatr «Ashyg» jobasy boıynsha júmysyn bastaıdy, dep habarlaıdy QazAqparat tilshisi.
Almaty qalalyq sanıtarlyq-epıdemıologııalyq baqylaý departamenti basshysynyń orynbasary Sádýaqas Baıǵabylovtyń aıtýynsha, kınoteatr qyzmetkerleriniń úılesimdi jumysynyń arqasynda bári shtattyq rejımde esh qıyndyqsyz ótti.
Kınotearǵa kelgender QR-kodty skanerlep, «kók» jáne «jasyl» mártebesi anyqtalǵan boıda «bılet kassalary» aımaǵyna, odan keıin zalǵa kirdi.
«Alaıda kınoteatrlardyń birinde úsh almatylyqty «bılet kassalary» aımaǵyna ótkizbedi. Óıtkeni, QR kodyn skanerleý kezinde «qyzyl» statýs anyqtaldy. ıAǵnı, olar koronavırýspen aýyrǵandar jáne úı karantıninde bolýy kerek edi»,- dep túsindirdi Sádýaqas Baıǵabylov.
Ózderiniń «qyzyl» mártebelerin kórgennen keıin, olar kınoteatrdan shyǵyp ketti.
Olardyń ekeýi - erli-zaıyptylar.
Aıta keteıik, 9-15 sáýir aralyǵynda 235 almatylyq «Ashyq» ótýge tyrysyp, mekemege kirmek bolǵan.
Onyń ishinde 211 almatylyqta «qyzyl», 24-de «sary» belgi bolǵan.
