Almatyda kıno meıramy ótip jatyr - Asanáli Áshimov
ALMATY. 31 mamyr. QazAqparat - Kıno árýaqytta eldi qýantyp, eldi-elge tanytady. «Sháken juldyzdary» Almaty halyqaralyq kınofestıvaliniń prezıdenti Asanáli Áshimov keshe bıyl 10-ynshy ret ótkizilgeli otyrǵan festıvaldiń ashylý rásimi kezinde osylaı aıtty.
«Búgin bizdiń Almatyda úlken toı, kıno meıramy. Kıno - bul halqymyzǵa úlken jaqsylyq ákelgen, halqymyzdy tárbıeleıtin úlken óner. Ol sonysymen de qyzyq. Halyqtyń kóńil-kúı men kelgen qonaqtardyń minez-qulqy, kózqarasy joǵary. Jyldan jylǵa festıvaldiń órisi keńeıýde», - deıdi KSRO-nyń jáne Qazaqstannyń halyq ártisi A.Áshimov. Onyń aıtýynsha, «Sháken juldyzdary» búkil álemge óziniń bar ekenin tanytyp, bizdiń ónerimizdi búkil halyqqa jaıyp jatyr. Bul festıvaldiń eń bir qurmetti, qudiretti jaǵy jastarǵa joldama beredi. Kınoǵa jańadan kelgen keleshek qaıratkerlerge jol ashady.
