Almatyda kináli azamatty jaýapqa tartpady degen kúdikpen polıtsııa qyzmetkeri ustaldy

ALMATY. QazAqparat - Almatyda kináli azamatty jaýapqa tartpady degen kúdikpen polıtsııa qyzmetkeri ustaldy,dep habarlaıdy QazAqparat Polisia.kz saıtyna silteme jasap.

«Almaty qalasy Polıtsııa departamenti Ózindik qaýipsizdik basqarmasy ishki ister organy qataryndaǵy sybaılas jemqorlyq kórinisterin aldyn alý men jazanyń bultartpastyǵy qaǵıdattaryn iske asyra otyryp, búgin jol-kólik oqıǵasy faktisi boıynsha kinálini ákimshilik jaýapqa tartpaǵany úshin Almaly aýdany ÁPB qyzmetkerin, 1986 jyly týǵan B. esimdi azamatty ustady. Osy fakti boıynsha sotqa deıingi tergeý bastaldy», - dep habarlady polıtsııada.