Almatyda kilem jýamyn dep sýǵa ketken əıeldiń denesi tabyldy
ALMATY. QazAqparat - Úlken Almaty kanalyna kilem jýǵaly barǵanda sýǵa aǵyp ketken əıeldiń denesi 4-shi təýlik degende tabyldy, dep habarlaıdy QazAqparat tilshisi.
«27 shildede keshki 17:55 shamasynda 32 jastaǵy əıeldiń denesi qulaǵan jerinen 33 shaqyrym qashyqtyqtan tabyldy. Əıel Úlken Almaty kanalyna abaısyzda qulap ketken bolatyn. Marqumdy izdestirýge TJD mamandary men respýblıkalyq qutqarý jasaǵynyń sarbazdary, eriktiler jumyldyrylǵan bolatyn»,- deıdi QR ІІM TJK resmı ókili Rýslan Imanqulov.
Aıta ketý kerek, qaıǵyly oqıǵa 23 shildede bolǵan edi. 32 jastaǵy Əsııa Musaeva Úlken Almaty kanalyna joldasymen birge kilem jýýǵa barǵan bolatyn. Kelinshektiń aıaǵy abaısyzda taıyp ketip, sýǵa qulaǵan. Onyń joldasy artynan shamamen bir shaqyrymǵa deıin júzip barǵan. Biraq jete almaǵan soń amalsyz jaǵaǵa shyqqan. Kelinshektiń artynda 2 balasy qaldy. Úshinshisine júkti bolǵan.
