Almatyda «Kıiz úı kúni» atap ótildi

«Bul úlken tanymdyq shara! Búgin qala turǵyndary kelip, kıiz úı turǵyzýǵa qatysyp, kóshet otyrǵyzyp, qazaqtyń ulttyq taǵamdarynan: baýyrsaq, qymyz, shubattan dám tatty. Bizdiń búgingi «Kıiz úı» merekesinde 10 úı tigildi. Mine, osy sharaǵa kelgender qazaqtyń kıiz úıiniń qandaı bólikterden turatyndyǵymen tanysyp jatyr. Qundy málimetter aldy», - dedi osy merekelik sharanyń ashylý saltanatynda Halyqaralyq Bıznes Akademııasynyń rektory Asylbek Qojahmetov.

Búgin sonymen qatar, osy joǵary oqý orny aýmaǵynda qalalyq «Alma-Qala - baqsha-qalany qaıta órkendetemiz» sharasy aıasynda kóshetter otyrǵyzyldy.

«Sıvers» surpy boıynsha 10 kóshet otyrǵyzyldy. Bul sharaǵa stýdentter men oqytýshylar qatysty. Jalpy, kóshet otyrǵyzý - jańa ómirdiń bastalǵandyǵynyń, bolashaqqa umtylýdyń taǵy bir sımvoly bolyp tabylady» - dedi Halyqaralyq bıznes akademııasynyń qoǵammen baılanys ortalyǵynyń dırektory Núrııa Hasanova.

Atalmysh sharaǵa «Alma-Qala» qozǵalysynyń dırektory, Almaty qalalyq kásipkerler palatasynyń dırektory Erlan Stambekov pen qazaqstandyq franchaızıng qaýymdastyǵynyń vıtse-prezıdenti Beknur Qısyqov qatysty.