Almatyda kıberqylmys ashyldy
ALMATY. 25 shilde. QazAqparat - Almaty qalasynyń ІІD «K» basqarmasymen qazaqstandyq ujymdyq satyp alýshylar servısi qoldanýshylarynyń bazasyn satyp jibermek bolǵan qylmysker ustaldy.
19 shilde kúni Chocolife.me burynǵy qyzmetkeri Qaırat Muhanovty Almaty qalasynyń ІІD «K» basqarmasy Chocolife.me. qazaqstandyq ujymdyq satyp alýshylardyń qoldanýshylary bazasyn (420 myń elektondy meken-jaı) satyp jibermek bolǵan jerinen qolǵa tústi.
2012 jyldyń qańtar aıyna deıin ol kompanııanyń damý dırektory qyzmetinde bolǵan. Kompanııanyń ishinde júrgizilgen zertteý kórsetkendeı, bazany urlaýǵa kómektesken ekinshi sybaılas - Chocolife.me kompanııasynyń burynǵy IT-dırektory Erlan Baıtýrınov. Ol kompanııadan keter aldynda óziniń qyzmettik jaǵdaıyn paıdalanyp, paıdalanýshylar jaıly málimetterdi kóshirgen, ony Qaırat Muhanovqa qazaqstandyq elektrondy saýda naryǵynda odan ary qaraı paıda tabý maqsatymen bergen.
Kásipker Aleksandr Lıdiń aıtýynsha, 16 shilde kúni oǵan Qaırat Muhanov habarlasyp, Chocolife.me. kompanııasynyń paıdalanýshylar bazasyn satý jóninde usynys jasaǵan. Bolǵan jaıdy Alekseı Chocolife.me. kompanııasynyń basshylyǵyna jetkizgen. Al olar Almaty qalalyq ІІD-ǵa shuǵyl habarlaǵan. Kúdiktiler QR QK 20-baby - «Kommertsııalyq aqparatty taratqany úshin» boıynsha 3 jylǵa deıin bas bostandyǵynan jáne QR QK 175-baby - «Urlyq» boıynsha 10 jylǵa deıin bas bostandyǵynan aıyrylýy múmkin.
Atalǵan is boıynsha sot sheshimi aldaǵy aılarda belgili bolady.
