Almatyda kıber qylmysker ustaldy
ALMATY. QazAqparat - Tártip saqshylary kıber urlyqshyny ustady, dep habarlaıdy QazAqparat tilshisi Almaty ІІD baspasóz qyzmetine silteme jasap.
Polıtsııada habarlaǵandaı, kúdikti qylmys jasaýǵa ábden daıyndalǵan. Ol Qytaıdan aldyn ala maıda plastık buıymdardy jasaıtyn tehnıkalyq qurylǵyny satyp alyp, aqsha shyǵarý úshin bank kartalaryn qoldan jasaǵan.
«Qaskúnem kartalardy jasap qana qoımaı, kartalarǵa engizý úshin qurbandarynyń jeke derekterin bilip júrgen. Keıin azamattardyń shottarynan aqsha alatyn bolǵan. Ol qylmysy áshkerelenbes úshin tek 10 myń teńgeden shyǵaryp júrgen. 35 jastaǵy kúdikti er adamnan 114 jasandy bank kartasy tabyldy», - dedi Medeý aýdandyq ІІB bastyǵy Bolat Totybaev.
QR QK 188-baby boıynsha sotqa deıingi tergeý júrip jatyr. Qazirgi tańda kúdikti qamaýǵa alyndy. Ol óz kinásin tolyqtaı moıyndady.
