Almatyda kezekti «telefon terrorshysy» ustaldy - ІІD
ALMATY. 11 mamyr. QazAqparat /Erbol Azanbek/ - Almaty polıtseıleri kezekti «telefon terrorshysyn» ustady,
dep habarlaıdy Almaty qalalyq ІІD-niń baspasóz qyzmeti.
Bul joly Shyǵys Qazaqstan oblysynyń 28 jastaǵy turǵyny polıtsııamen «ázildespek» bolǵan. Ol keshe saǵat 10.30-da óziniń uıaly telefonynan qalanyń Bostandyq aýdanynda ornalasqan Internet-klýbqa jarylǵysh zat qoıylǵandyǵyn aıtyp, polıtsııaǵa habarlaǵan.
«Qalalyq jedel qyzmet klýbqa kelýshiler men qyzmetkerlerdi jedel túrde kóshirip, ǵımaratty tekserdi. Tekserýge «Arlan» arnaıy jasaǵy men Bostandyq aýdandyq ІІB, qalalyq ІІD-niń qyzmetkerleri jumyldyryldy.Aqparat rastalǵan joq. Bizdiń qyzmetkerler qońyraý shalǵan qyzdyń uıaly nómirin anyqtap, jedel túrde qolǵa túsirdi»,- deıdi Almaty qalalyq ІІD uıymdasqan qylmyspen kúres basqarmasy bastyǵynyń orynbasary, polkovnık Ǵanı Jumaǵulov.
Ustalǵan Nurgúl esimdi qyzdyń aıtýynsha, jalǵan aqparat berýge atalǵan ınternet klýbta jıi otyratyn tanystarynan ósh qaıtarý ıtermelegen. Ol sondaı-aq bul úshin qylmystyq jaýapkershilikke tartylatynyn bilmegendigin aıtqan.
«Zańdy bilmeý jaýapkershilikten bosatpaıdy. Bundaı shaqyrtýlarǵa qalanyń barlyq qyzmeti jumyldyrylady, memleketke belgili bir mólsherde shyǵyn keledi. Qazirgi kezde terrorıstik akt týraly jalǵan aqparat berý boıynsha Bostandyq aýdandyq ІІB-da qylmystyq is qozǵaldy»,- deıdi Ǵ.Jumaǵulov.
