Almatyda kezekti esirtki ordasy áshkerelendi
ALMATY. QazAqparat - Almaty polıtsııasy kezekti esirtki ordasyn áshkereledi, dep habarlaıdy QazAqparat tilshisi.
Qylmystyq topty quryqtaý operatsııasy «Kanal-Krasnyı barhan» profılaktıkalyq aptalyǵy aıasynda júrgizildi.
«Qaladaǵy shaǵynaýdandardyń birinen esirtki saýdasynyń kórigin qyzdyrǵandardyń ortalyǵyna aınalǵan páter anyqtaldy. Bul páter 49 jastaǵy er adam men onyń jubaıynyń menshiginde bolǵan. Jedel áreket etý arnaıy jasaǵynyń mamandary men polıtsııa qyzmetkreleri arnaıy operatsııa barysynda salmaǵy 110 gramm bolatyn gashısh tapty», - dep habarlady baspasóz qyzmetinen.
Tergeý barysynda adamdardyń atalǵan páterge esirtki satyp alýǵa kelip júrgeni belgili boldy. Páter ıeleriniń ekeýi de buryn isti bolǵan. Bireýi kisi zatyn urlaǵany úshin sottalsa, ekinshisi esirtki zatyn saqtaǵany úshin jaýapqa tartylǵan.
Almaty ІІD esirtki bıznesine qarsy kúres basqarmasynyń basshysy Nurlan Moshqalovtyń aıtýynsha, qazir atalǵan derek boıynsha QR QK 297-babymen jáne 302-babynyń 3-bólimimen qylmystyq is tirkelgen.
