Almatyda kezekten tys prezıdenttik saılaýdy qoldaýǵa arnalǵan velojarys ótti (FOTO)
ALMATY. QazAqparat- Almatyda qazaqstandyq «ALMATY BROTEAM» táýelsiz velokomandasy QR kezekten tys Prezıdent saılaýyna qoldaý kórsetý maqsatynda velojarys ótkizdi.
Báseke ál-Farabı, Saıyn, Raıymbek dańǵyly jáne shyǵys aınalma joly arqyly ótip, jalpy uzyndyǵy 65 shaqyrymdy qurady. Jarysqa veloklýb músheleri - komanda kapıtany Andreı Lınnık bastaǵan 60 veloshabandoz qatysty.
Aıta ketelik, komanda quramyna kásipqoı sportshylardan basqa áýesqoı velosıpedshiler: belgili kásipkerler, ǵylym men mádenıet qaıratkerleri, sheneýnikter jáne qarapaıym qala turǵyndary kirdi. Olardy ishinde Raıymbek Batalov, Zeınolla Kákimjanov, Valıhan Ten, Nurlan Smaǵulov, Serik Turdalıev, Bolat Ómirálıevter bar.
Velojarys Almaty qalasy ákimdiginiń qoldaýymen uıymdastyryldy.
