Almatyda kezekte turǵandarǵa baspana berý boıynsha ótinim qabyldaý bastaldy
Bul týraly qalalyq Turǵyn úı basqarmasynyń saıtynda jarııalandy.
Elektrondyq veb-portaly arqyly qujattardy ótkizý úshin halyqqa qyzmet kórsetý ortalyǵynan (HQKO) elektrondy sandyq qoltańbany (ESQ) alý qajet.
«Qazaqstan ıpotekalyq kompanııasy» ıpotekalyq uıymy» aktsıonerlik qoǵamy Almaty qalasy, Alataý aýdanynyń «Alǵabas-6» yqsham aýdanynda ornalasqan 28 (bir bólmeli - 28) daıyn páterdi satý josparlanǵan.
Páterdiń bir sharshy metri, satyp alý arqyly jalǵa alǵanda 20 jylǵa shamamen 1 120 tenge bolady.
«Qazaqstan ıpotekalyq kompanııasy» ıpotekalyq uıymy» aktsıonerlik qoǵamy turǵyn úıi» baǵyty boıynsha - jergilikti atqarýshy organda kezekte turǵandar, kóp balaly otbasylar, tolyq emes otbasylar, múgedek balalary bar nemese tárbıelep otyrǵan otbasylar, jetim balalar, ata-anasynyń qamqorlyǵynsyz qalǵan balalar, oralmandar, memlekettik qyzmetshiler, áskerı qyzmetshiler, arnaýly memlekettik organdardyń qyzmetkerleri, bıýdjettik uıymdardyń qyzmetkerleri, 1 jáne 2-shi toptaǵy múgedekter baspanaǵa ıe bola alady.
Atalǵan baǵyttyń qatysýshylaryn qalyptastyrý mynadaı kishi toptar men krıterııler boıynsha júrgiziledi:
1-kishi top - jergilikti atqarýshy organda osy sanatta kezekte turǵandar, keminde 3 jyl nekede turǵan, balalary (balasy) bar jáne jubaılardyń ekeýiniń de jasy 35 jasqa tolmaǵan (Baǵdarlamaǵa qatysýǵa ótinish berý sátinde), sondaı-aq balalardy (balasy) jasy 35-ke tolmaǵan, onyń ishinde ajyrasqan, jesir ana tárbıelep otyrǵan tolyq emes otbasy;
2-kishi top 1-kishi topqa kirmeıtin, kórsetilgen sanattaǵy jergilikti atqarýshy organda kezekte turǵandar jatady.
Bólinetin turǵyn úı normalary:
1-kishi top qatysýshylary úshin 50 % ;
2-kishi top qatysýshylary úshin 50 %.
Baǵdarlamaǵa qatysýshylarǵa qoıylatyn negizgi talaptar:
1. Baǵdarlamanyń 3-kishi bólimniń 1-tarmaǵynda kórsetilgen turǵyn úıdi satý talaptary boıynsha mindettemelerdi tıisti kiristermen oryndaý múmkindikterin rastaý.
2. Baǵdarlamaǵa qatysýshynyń jáne onymen únemi birge turatyn otbasy músheleriniń menshik quqyǵynda turǵyn úıdiń (ortaq birlesken menshiktegi, turǵyn úıdiń birligi retinde osy tarmaqta kórsetilgen otbasynyń basqa músheleriniń ortaq birlesken (úlestik) menshigin quraıtyn úlestik menshiktegi úlestiń) nemese Qazaqstan Respýblıkasynyń aýmaǵy boıynsha memlekettik baǵdarlamalar jelisi boıynsha alǵan jaldamaly turǵyn úıdiń bolmaýy;
3. Baǵdarlamaǵa qatysýshynyń jáne onymen únemi birge turatyn otbasy músheleriniń Qazaqstan Respýblıkasy boıynsha sońǵy 5 jyl ishinde turǵyn úı jaǵdaılaryn ádeıi nasharlatýy faktileriniń bolmaýy;
Baǵdalamanyń negizgi talaptaryna sáıkes keletin úmitkerler páterdiń belgili bir túrine ótinish pen mynadaı qujattardy tapsyrady:
1. Neke qııý (2008 jylǵa deıin tirkelgen bolsa), nekeni buzý, jubaıynyń/zaıybynyń qaıtys bolýy týraly, ótinish berýshiniń nekede turmaıtyndyǵy týraly ótinish;
2. Balalarynyń týý týraly kýálikteri (2008 jylǵa deıin týylǵan bolsa), áke bolýdy anyqtaý týraly kýálik (nysan №4, nysan №15),
3. Ótinish berýshiniń jumys ornynan anyqtamasy;
4. Otbasy músheleriniń múgedektigin nemese keıbir sozylmaly aýrýlardyń aýyr túriniń bolýyn rastaıtyn anyqtama;
5. Ótinish ıesiniń tabystar alǵanyn rastaıtyn anyqtama.
Baǵdarlamaǵa qatysýshylardy irikteý satylatyn páterlerdiń sanyna sáıkes júrgiziledi.
Ótinish berýshiniń tıisti tabysy rastalmaǵan jaǵdaıda, baǵdarlamanyń tıisti baǵytyndaǵy aldyn ala tizimnen kelesi ótinish berýshilerden irikteý júrgiziledi.
Baǵdarlama sheńberinde Baǵdarlamanyń barlyq baǵyttary jáne Qazaqstannyń barlyq óńirleri boıynsha 1 birlikten aspaıtyn turǵyn úıdi jeke menshikke satyp alýǵa nemese jalǵa alýǵa ruqsat etiledi.
Baǵdarlama baǵyttary sheginde satyp alý quqyǵymen jalǵa alý arqyly turǵyn úı alǵan baǵdarlamaǵa qatysýshylar turǵyn úıge muqtajdar esebinen alynady.
