Almatyda kezekshi synyptar jabyla ma

ALMATY. QazAqparat – Almatyda mektepterdegi kezekshi synyptar jabylmaıdy. Bul týraly onlaın brıfıng barysynda Jandarbek Bekshın málim etti, dep habarlaıdy QazAqparat tilshisi.

«Eger bir muǵalim aýyryp qalsa, synypta otyrǵan 30-40 oqýshy da aýyrady. Eger odan ári kóbeıetin bolsaq, muǵalim oqýshylardan basqa muǵalimdermen de baılanysady. Bul mektep boıynsha ınfektsııanyń qarqyndy taralýyna yqpal etedi. Balabaqshada da solaı. Sondyqtan kezekshi synyptar barlyq talaptarǵa sáıkes bolýy kerek. Sanıtarlyq–epıdemıologııalyq talaptardy saqtaı otyryp mektepterdegi kezekshi synyptar men balabaqshalardaǵy kezekshi toptardyń jumysy jalǵasady», - dedi Jandarbek Bekshın.

Qalanyń bas sanıtarlyq dárigeriniń aıtýynsha, bul balalar arasynda aýrýdyń kúrt ósýine jol bermeıdi.

Buǵan deıin Jandarbek Bekshınniń jańa qaýlyǵa qol qoıǵany týraly jazǵan bolatynbyz.

Qaýlyǵa sákes, Almatyda Jańa jylda Aıaz ata men Aqshaqardy úıge shaqyrýǵa tyıym salyndy.