Almatyda kezekshi synyp oqýshylary qalaı oqıdy
ALMATY. QazAqparat - Almaty qalalyq Bilim basqarmasynyń basshysy Lázzat Jylqybaeva kezekshi synyptardyń oqýshylary qalaı oqıtynyń aıtyp berdi, dep habarlaıdy QazAqparat tilshisi.
«Kezekshi synyptardyń qyzmeti sanıtarlyq epıdemıologııalyq talaptardy qatań saqtaı otyryp júzege asyrylady. Sozylmaly aýrýlary joq balalar kezekshi synypta oqýǵa jiberiledi.Balalardyń ata-analary nemese zańdy ókilderi balalarǵa sanıtarlyq qaýipsizdik quraldarymen qamtıdy: maskalar, qoldy tazalaýǵa arnalǵan antıseptık nemese bakterııaǵa qarsy sýly maılyqtar»,– deıdi Lázzat Jylqybaeva.
Sonymen qatar, balalardyń ata-analary nemese zańdy ókilderi balalaryna áleýmettik araqashyqtyqty saqtaý týraly túsindiredi. Olar balalardy mektepke alyp kelip, sabaq aıaqtalǵannan keıin alyp ketedi.
«Mektep dezınfektsııalaýshy quraldarmen qamtamasyz etilgen. Kire beriste dezınfektsııalyq tósenish, teplovızorlar, tazartqyshtar, dymqyl, dezınfektsııalyq tazalaýǵa arnalǵan quraldar bolady»,– dedi ol.
Sonymen qatar mektepte mynandaı sanıtarlyq erejelerdi saqtaý qajet:
- áleýmettik qashyqtyqty saqtaý úshin aýysymdy ulǵaıtý;
- áleýmettik qashyqtyqty qamtamasyz etý úshin mektep aýmaǵyn maksımaldy paıdalaný;
- kabınettik júıeni paıdalanbaý;
- sabaq arasyndaǵy úzilisti ár synypqa ár túrli ýaqytta uıymdastyrý;
- kireberistegi oqýshylardyń kúndelikti temperatýrasyn ólsheý;
- aýysym saıyn, dálizderdegi, demalys bólmelerindegi, zaldardaǵy jáne basqa úı-jaılardaǵy, aýysym arasyndaǵy ylǵaldy tazalaý, esik tutqalaryn, ustaǵyshtardy, qorshaýlardy, baspaldaqtardy, terezeni dezınfektsııalaý;
- medıtsınalyq kabınetter men ızolıatorlardyń jumys isteýin qamtamasyz etý;
- edendegi dálizderde oqýshylardyń bir baǵytta qozǵalýyna arnalǵan belgiler qoıý, balalardy qabyldaýǵa bir kireberis, balalardy sabaqtan keıin shyǵýǵa bólek esiktiń bolýy.
Kezekshi synyptardyń jumys isteýi boıynsha usynystar:
1)synyp mólsheri - 15 baladan kóp emes;
2) sabaqtyń uzaqtyǵy 40 mınýt;
3) ár synypta ár túrli ýaqyttaǵy úzilister;
4) maska kııý rejımin qamtamasyz etý;
5) oqý ústelderin 1 metr qashyqtyqta ornalastyrý;
6) bilim alýshyǵa jeke parta men oryndyq taǵaıyndalady;
7) oqýshy jeke oqý materıaldaryn (oqýlyqtar, dápterler, keńse taýarlary jáne t.b.) paıdalanady;
8) ár sabaqtan keıin kabınetterdi jeldetý, kvartstaý;
9) ár sabaqtan keıin qoldy jýý jáne arnaıy quraldardy qoldaný;
«Sonymen qatar, arnaıy túzetý mektep-ınternattarynyń bastaýysh synyp oqýshylaryn oqytý dástúrli túrde uıymdastyrylatyn bolady. Synyptardyń ortasha sany 10-12 adamdy quraıdy. Bıylǵy jyly bastaýysh synyptardaǵy balalar sany 1034 oqýshy 90 synyp bar»,– Lázzat Jylqybaeva.
«Sulýsaı» yqshamaýdanynda ornalasqan №197 mektepte oqytý dástúrli túrde iske asyrylady.
