Almatyda keıýananyń tamaǵyna tis protezi turyp qalǵan
ALMATY. QazAqparat - Almatyda dárigerler tis protezi tamaǵyna ketip qalǵan 82 jastaǵy keıýanany aman alyp qaldy, dep habarlaıdy QazAqparat tilshisi.
«Men ana dúnıeden qaıttym!» - dedi 82 jastaǵy zeınetker Roza Halıýllına óńeshine jasalǵan otadan soń.
Onyń aıtýynsha, tańǵy as iship otyrǵanda tis proteziniń bir bóligi synyp ketken. Óńeshke jetkende úshkir qyrlary tamaǵyn jyrtyp, demalysyn qıyndata túsken.
Jaǵdaıy nasharlaǵan zeınetker jedel járdem shaqyrǵan.
Birden konsılıým jınaǵan dárigerler zeınetkerge Shuǵyl medıtsınalyq kómek kórsetý ortalyǵynda ota jasady. Dıagnostıka kezinde úshburyshty protez bóligi óńeshti jyrtyp ketkeni anyqtaldy.
«Óńeshtiń jyrtylýy jylyna 1-2 ret sırek kezdesetin oqıǵa. Adam balyq nemese taýyqtyń súıegin jutyp qoıǵanda kezdesedi. Bul bógde zattar óńeshtiń tarylǵan tusynda turyp qalady da jyrta beredi. Bul óte qaýipti dıagnoz. Adam keshigip keletin bolsa, 45-60 paıyzǵa deıin jaǵdaıda ólip ketýi yqtımal. Sebebi, ınfektsııa birden jumsaq tinge ótip, aýyr ıntoksıkatsııaǵa ákelýi múmkin», - dedi emhananyń bas dárigeriniń orynbasary Ońlasyn Ibekenov.
Dárigerler zeınetkerdiń moıyn tusynan eki jaǵynan medıastenotomııa jasady, jaraqattyń ornyn tazalap, juqpanyń denege taralýyna toqsaýyl qoıdy. Zeınetker 3 táýlik jansaqtaý bóliminde jatty.
10 táýlik boıy qarııa muryn arqyly zondpen qorektenip júrgen.
«Tamaq iship otyrǵan kezimde shashalyp qaldym. Sosyn tunshyǵa bastadym. Qyzym jedel járdem shaqyrdy. Jedel járdem tez keldi. Barlyǵy jabylyp meni ana dúnıeden qaıtaryp aldy. Ózim 50 jyldan asa medbıke bolyp qyzmet istegenmin. Aq halatty abzal jandarǵa rızamyn», - dedi zeınetker.
