Almatyda keıbir shaǵynaýdandarda birneshe kún jaryq bolmaıdy
ALMATY. QazAqparat- Almatyda elektr jelilerindegi josparly jóndeý jumystaryna baılanysty 7-11 tamyz aralyǵynda jaryq bolmaıdy. Bul týraly «Alataý Jaryq Kompanııasy» AQ málim etti, dep habarlaıdy QazAqparat tilshisi.
«Alataý Jaryq Kompanııasy» AQ 7-11 tamyz aralyǵynda Almatyda elektr qýatyn josparly túrde óshirý kestesin jarııalady.
«Elektr jelilerindegi josparly jóndeý jumystaryn: symdardy bógde zattardan tazartý, olardy ishinara aýystyrý jáne taǵy basqasy kiredi, olardy «Alataý Jaryq Kompanııasy» AQ brıgadalary, ádette, 1,5-2 saǵattan aspaıtyn ýaqytta oryndaıdy»,- dep habarlady kompanııadan.
Kestege sáıkes, elektr energııasy Tóle bı, Sátbaev, Abaı, Muqanov, Qurmanǵazy, Baızaqov Abylaı han, Jambyl kósheleri men «Qaraǵaıly», «Aqjar», «Qalqaman-2», «Alǵabas», «Jas-Qanat» jáne taǵy basqa yqshamaýdandarda ajyratylady.
Tolyq úzilis kestesin myna jerden kórýge bolady.
