Almatyda keıbir nysandardy sý basty
ALMATY. QazAqparat – Almatyda qalalyq Balalar klınıkalyq juqpaly aýrýlar aýrýhanasynyń aýmaǵyn sý basty, dep habarlaıdy QazAqparat tilshisi.
Aǵashtar men butaqtar elektr symyn úzip ketip, qos qabatty turǵyn úıge qulaǵan.
Qalalyq qutqarý qyzmetiniń málimetine sáıkes, bul kún jylyp, kóktem kelýine baılanysty bolyp otyr.
10 naýryz kúni keshke qutqarýshylar Naýryzbaı aýdanynda ornalasqan Tastybulaq ózeniniń arnasyn turmystyq qaldyqtan, kólik dóńgelekterinen jáne basqa da qoqystan tazalady. Raıymbek dańǵylynyń boıyndaǵy kópirdiń astynan qoqys shyǵaryldy.
Qazirgi tańda joldardy sý basý qaýpi joq.
Búginde tótenshe jaǵdaıdyń aldyn alý úshin 12 tehnıka, 12 motopompa jáne Almaty qalasy Qutqarý qyzmetiniń 29 jumysshysy jumyldyrylǵan.
«Sondaı-aq, jaýyn-shashyn men qar jamylǵysynyń turaqsyz kúıine baılanysty Úlken jáne Kishi Almaty ózenderiniń basseınderindegi taý betkeılerinde 11 naýryzda qar kóshkini qaýpi bar. Osyǵan baılanysty Qutqarý qyzmeti qala turǵyndaryn qalyń qarly betkeılerge barýdan saq bolýǵa shaqyrady», - dedi qutqarý qyzmetinen.
