Almatyda «Keskindeme» shyǵarmashylyq stýdııasy ashyldy
ALMATY. 11 shilde. QazAqparat /Ádilet Musahaev/ - Búgin Almatydaǵy «Bóbek» qorynda áleýmettik ahýaly nashar otbasynan shyqqan talantty balalar men jetkinshekterge arnalǵan «Keskindeme» shyǵarmashylyq stýdııasynyń saltanatty ashylý rásimi boldy.
Stýdııanyń ashylý maqsaty - áleýmettik jaǵdaıy tómen otbasynan shyqqan daryndy balalarǵa tulǵa bolyp qalyptasýyna qoldaý kórsetý jáne balalar shyǵarmashylyǵyna qoǵam nazaryn aýdartý.
Atalǵan ortalyqtyń bas dırektory Tilek Qarymsaqovtyń aıtýynsha, baǵdarlama aıasynda Qazaqstannyń tarıhı-mádenı qundylyqtary men mádenıetine arqa súıeı otyryp, jasóspirimder arasynda rýhanı-adamgershilik tálim-tárbıe jumystaryn júrgizý, áleýmettik ahýaly nashar otbasynan shyqqan daryndy balalarǵa keskindeme ónerinen sapaly bilim berý qarastyrylǵan.
Stýdııada elimizge tanymal D. Álıev, A. Hákimjanova, S. Jumasheva, S. Nákisbekova syndy belgili sýretshilerdiń sheberlik synyptary ótti. Jas talanttar belgili sýretshilerdiń jetekshiligimen keskindeme óneriniń qyr-syrymen tanysyp, murajaıdaǵy kórmelerde de boldy.
