Almatyda keriktiń ólimine zoobaq qyzmetkeri sebep bolǵan
ALMATY. QazAqparat - Almaty haıýanattar baǵynda ólgen Melman atty kerikke qatysty ishki qyzmettik tekseris júrgizilip jatyr, dep habarlady «QazAqparat» tilshisi.
Zoobaq baspasóz hatshysy Toqtar Álıevtiń aıtýynsha, kerik óliminen keıin basshylyq tarapynan komıssııa qurylyp, ishki qyzmettik tekseris bastalǵan. Komıssııa quramyna quqyq qorǵaý organy qyzmetkerleri men haıýanattar baǵynyń tájirıbeli mamandary kirdi.
«Kásibı sheberlik pen tájirıbeli mamandardyń arqasynda kúdiktiler anyqtaldy. Keriktiń ólimine zoobaq qyzmetkerleriniń biri kúdikti bolyp otyr. Haıýanattar baǵynyń ákimshiligi qala turǵyndaryna eshqandaı qańqý sózge senbeı, resmı aqparatqa súıenýge shaqyrdy. Atalǵan másele boıynsha tekserý jumystary júrgizilip jatyr», - dedi ol.
Eskerte keteıik, 5 qazan kúni Almaty haıýanattar baǵynda eki jasar keriktiń ólgeni habarlanǵan. Zoobaq qyzmetkerleri onyń densaýlyǵy jaqsy bolǵanyn, ólý sebebin anyqtap, qajet bolǵan jaǵdaıda qylmystyq is qozǵalatynyn málimdegen.
