Almatyda kepildegi páterlerdi alyp berem dep eldi aldaǵan alaıaq ustaldy
ALMATY. QazAqparat - Almatyda arzan baǵaǵa úı alyp berem dep eldi aldaǵan 34 jastaǵy áıel ustaldy, dep habarlaıdy QazAqparat tilshisi.
Ol adamdardyń senimine kirip, 10 mln teńgesin qoldy etken.
«34 jastaǵy áıel ekinshi deńgeıli bankterden kepildegi páterlerdi alýǵa bolatynyn aıtyp, eldi aldap kelgen. Qysqa merzimde baspanany naryqtyq baǵasynan 70 paıyzǵa arzan alýǵa bolady dep sendirgen. Sózine ılanǵan adamdar qujat jınap, áıeldiń shotyna 2 myń AQSh dollaryn salýǵa tıis bolǵan. Belgili bolǵandaı, áıel bank salasynda jumys jasamaǵan. Osy ýaqyt aralyǵynda polıtsııaǵa alaıaqtyq deregine baılanysty 5 adam aryzdanyp úlgergen. Alaıda japa shekken adamdardyń sany odan da artyq bolýy múmkin. Osyǵan baılanysty 254-47-00; 254-47-01; 254-47-59; 254-47-02 nemese 102 telefondaryna habarlasýlaryn suraımyz», - dedi Bostandyq aýdandyq ІІB basshysy Daýren Ótebaev.
Osylaısha áıel QR QK 190-babynyń 3-bólimimen kórsetilgen qylmys jasady degen kúdikpen ustaldy.
Áıel óz kinásin moıyndap otyr.
