Almatyda keńse taýarlarynyń qoımasy órtendi
ALMATY. QazAqparat –Almatyda kantselıarlyq taýarlar saqtalǵan qoıma órtendi, dep habarlaıdy QazAqparat tilshisi qalalyq TJD baspasóz qyzmetine silteme jasap.
Almaty qalalyq TJD 101 pýltine «Samǵaý» (Qurylysshy) yqshamaýdanyndaǵy Kókoraı kóshesiniń boıyndaǵy órt týraly habarlama tańǵy saǵata 05.06-da tústi. Oqıǵa ornyna kelgen órt sóndirýshiler eki qabatty qoımanyń shatyrynyń janyp jatqanyn anyqtady. Qoımanyń jalpy aýmaǵy 400 sharshy metr.
«Órt qoımanyń batys bóligin qıratqan jáne qosymsha sýmen jabdyqtaý quraldarynyń bolmaǵandyǵynan órshı túsken. Órt sóndirýshiler jeke turǵyn úı sektorynyń aýmaǵynda jaqyn ornalasqan jem saqtaý qoımasyna órttiń taralýyn boldyrmaý úshin sharalar qoldandy. Saǵat 06:28-de órt aýyzdyqtalyp, 07:09-de tolyqtaı óshirildi. Barlyǵy 50 adam jáne 12 tehnıka jumyldyryldy», -delingen TJD habarlamasynda.
Óz kezeginde, qalalyq polıtsııa bóliminiń qyzmetkerleri tártip pen quqyqtyq tártipti qamatamasyz etti. Sonymen qatar, órt sóndirýshi tehnıkalardyń qoıma aýmaǵynan kedergisiz kirýine jaǵdaı jasady.
Oqys oqıǵadana eshkim zardap shekpedi.
