Almatyda Keńsaı zıraty mańyndaǵy órttiń taralýy toqtatyldy
ALMATY. QazAqparat - Keńsaı zıraty aýmaǵynda tutanǵan tabıǵı órtti sóndirýge 100-den astam adam jumyldyryldy, dep habarlaıdy QazAqparat tilshisi.
Almaty qalasy tótenshe jaǵdaılar departamentiniń birikken jasaǵy Keńsaı zıraty mańynda shyqqan órtti joıýda. Qyzyl jalyndy aýyzdyqtaýǵa júzden astam órt sóndirýshi jumyldyryldy.
«Órtti sóndirýge taý betkeıi bıiktiginiń ártúrli bolýy, jeldiń ekpini men bıik shópter kúrdelendirdi. Qyzyl jalyndy aýyzdyqtaý úshin «Ermak» órt sóndirgish quraldary qoldanyldy. Taý baýraıyndaǵy ot qabyldanǵan sharalardyń arqasynda keshki saǵat 17:01-de oqshaýlandyryldy, órttiń jeke turǵyn úı sektoryna taralý qaýpi joıyldy. Aıta keteıik, Keńsaı-2 zıratynyń aýmaǵynda qurǵaq shóp jandy. Qorymdarǵa zaqym kelgen joq», - dep atap ótti Tótenshe jaǵdaılar departamentiniń baspasóz qyzmetinen.
Almaty qalalyq TJD azamattardy dala jáne orman alqabynda bolǵan kezde qaýipsizdik erejelerin saqtaýǵa shaqyrdy. Sondaı-aq ot jaqqandar men órttiń shyǵýyna sebepker bolǵandar ákimshilik jaýapkershilikke, al úlken shyǵyn keltirilgen jaǵdaıda Qazaqstan Respýblıkasynyń Qylmystyq kodeksine sáıkes qylmystyq jaýapkershilikke tartylatyndyǵyn eske saldy.
Buǵan deıin Almatynyń Medeý aýdanyndaǵy taý bókterinde qýraǵan shóp órtenip jatqanyn jazǵan bolatynbyz.
Vıdeodan alyn ǵ an kadr
