Almatyda Kenen shyǵarmashylyǵyna arnalǵan kesh ótedi
ALMATY. Qarashanyń 30-y. QazAqparat /Erbol Azanbek/ - Búgin Almatydaǵy QR Ulttyq kitaphanasynda «Kenen Ázirbaevtyń shyǵarmashylyq murasy» atty «dóńgelek ústel» májilisi ótti,
dep habarlaıdy QazAqparat.
«Dóńgelek ústel» aqynnyń týǵanyna 125 jyl tolýyna arnaldy. Sharaǵa mádenıet qaıratkerleri, jazýshylar, izbasarlary, shyǵarmashylyq murasyn jalǵastyrýshy aqyn-jyrshylar qatysty. Kenen Ázirbaev qazaqtyń óte kórnekti aqyn-kompozıtory, ol 80 jyldan astam ýaqyt shyǵarmalaryn ózi jazyp, ózi oryndaǵan aıtýly óner ıesi. Qazaq KSR-ine eńbek sińirgen óner qaıratkeri (1957), Qazaq KSR-iniń halyq aqyny, KSRO Jazýshylar odaǵy men Kompozıtorlar odaǵynyń múshesi, Jambyldyń shákirti ári izbasary Kenen Ázirbaev 150 astam áýendi shyǵarmalardy dúnıege keltirgen. «Búkil halyq bolyp Kenen murasyna den qoıyp, áspettep, mereıtoıyn atap ótip jatqany úlken qýanysh syılaıdy. Bul Kenen murasynyń umyt bolmaı bolashaqqa bettegenin kórsetedi» dedi aqynnyń uly Baqytjan Ázirbaev.
Otyrys barysynda aqyn-jazýshylar Kenen shyǵarmashylyǵy týraly estelik aıtyp, izbasarlary Kenen shyǵarmalaryn oryndady. Dóńgelek ústel májilisi keshke M.Áýezov atyndaǵy Qazaqtyń akademııalyq teatrynda kontserttik sharamen jalǵasady.
