Almatyda kenege qarsy zalalsyzdandyrý sharasynyń ekinshi kezeńi bastaldy
ALMATY. QazAqparat - Búgin Almatyda kenege qarsy zalalsyzdandyrý sharasynyń ekinshi kezeńi bastaldy. Bul týraly Almaty qalasy ákiminiń baspasóz qyzmetinen habarlady.
Osy shara aıasynda qalanyń 8 aýdany boıynsha 2354,17 gektar jerdi alyp jatqan saıabaqtar men gúlbaqtarynda jáne shaǵyn ormandarda óńdeý jumystary júrgiziledi.
Birinshi kezekte «Medeý», «Almaarasan» tabıǵı saıabaqtary, «Býtakovka» shatqaly, «Kóktóbe» saıabaǵy, «Qaraǵaıly» shatqaly jáne «Qarǵaly» taýly mekeninde júrgiziledi.
Budan ári 20 maýsymǵa deıin qalanyń barlyq saıabaqtary men gúlbaqtary qamtylady. Qazirgi tańda «Býtakovka» shatqalynyń 161,7 gektarlyq aýmaǵy óńdelindi.
Aıta ketelik, Almaty qalasy kene entsefalıti (juqpaly indet) tabıǵı oshaǵynda ornalasqandyqtan, munda zalalsyzdandyrý sharasy jyl saıyn josparly túrde júrgizilip turady. Mundaı jumystar kún jarqyrap, aýa-raıy qurǵaq bolyp turǵan shaqta qolǵa alynady.
Óńdeý jumystaryn «Almaty qalasy boıynsha zalalsyzdandyrý ortalyǵy» memlekettik mekemesiniń fılıaly júzege asyrady.
Al jeke úıler men saıajaılar jáne kásiporyndardyń aýmaǵynda zalalsyzdandyrý jumystarymen jeke kompanııalar aınalysa alady. Bul olardyń tıisti lıtsenzııasy bolýy kerek.
Esterińizge sala ketelik, kenege qarsy zalalsyzdandyrý sharasynyń birinshi kezeńi Almatyda 17 sáýir men 19 mamyr aralyǵynda júrgizildi.
