Almatyda kene shaqqan adamdardyń sany 141-ge jetti
ALMATY. QazAqparat - Almatyda bıylǵy kóktem maýsymynda keneniń shabýylynan 141 adam, onyń ishinde 66 bala japa shekken.
Qazir olardyń bárine medıtsınalyq kómek kórsetilip, ımmýnoglobýlın ekpesi jasaldy. Bul jóninde qalalyq tutynýshylardyń quqyǵyn qorǵaý departamentiniń baspasóz qyzmeti habarlady. Mamandardyń aıtýynsha, bıyl keneniń shaǵýynan zardap shekken jandardyń sany ótken jylmen salystyrǵanda azaıǵan. Ótken jyly osy ýaqytta 369 adam, onyń ishinde 159 bala dárigerlerge júgingen eken. «Qazir kene shabýylynyń údeı túsken shaǵy. Adam denesine jabysqan keneni baıqaǵan ýaqytta birden jergilikti kúkirtti aldyn alý pýnktterine kórinýi kerek. Ol jerde ımmýnoglobýlın degen kene entsefalıtinen qorǵaıtyn ekpe salynady. Kómek táýlik boıy tegin kórsetiledi. Japa shekken azamattar óziniń atalǵan dertti juqtyrǵanyn qalalyq parazıtologııalyq zerthanalarǵa júginý arqyly anyqtaı alady», - delingen habarlamada.
