Almatyda kemirgishterdi ýlaýǵa 86 mln teńge bólindi
ALMATY. QazAqparat - Almaty qalasy ákimdigi kemirgishterdi ýlaýǵa 86 mln teńge bóldi, dep habarlaıdy QazAqparat tilshisi. Bul qarjy kemirgishterden taraıtyn juqpaly aýrýlardyń aldyn alýǵa baǵyttalmaq.
Deratızatsııa jumystary kóbine Alataý aýdanyndaǵy ǵımarattarda júrgiziletin boldy.
«Egeýquıryqtar ıersınıoz, lısterıoz, týberkýlez taǵy basqa aýrýlardy taratady. Bul kemirgishterdiń sanyna tikeleı baılanysty. Neǵurlym janýarlar sany kóp bolǵan saıyn, aýrý taraý kórsetkishi de joǵary bolmaq. Kemirgishter azyq-túlik kásiporyndaryna úlken shyǵyn ákeledi», - dedi qalalyq qoǵamdyq densaýlyq saqtaý departamentinen.
Qyzmetkerler ýly hımıkattardy saıabaq aımaqtarynda, jekemenshik úılerdiń mańynda, kóppáterli úılerdiń jertólelerinde shashady.
Aıta ketý kerek, jyl saıyn kúzde jáne kóktemde Almaty men qala mańaıynda 47 ga aýmaqta deratızatsııa sharalary júrgiziledi.
