Almatyda kelesi jyly úleskerler úılerin túgel alady - qala ákimi
ALMATY. Shildeniń 16-sy. QazAqparat /Erlik Erjanuly/ - Almatyda qazir máselesi sheshilmegen birde-bir úlesker joq.
Qala ákimi búgin Elbasynyń "Aq kent" qalashyǵyndaǵy úleskerlerge páter kiltin tabys etý rásiminde osylaı málim etti.
"Byltyr qalada 16 myń úlesker bolatyn. Ózińizdiń tikeleı qoldaýyńyzben jáne bergen nusqaýyńyzben respýblıkalyq bıýdjetten bólingen qarajattyń arqasynda olardyń jartysynan kóbiniń máselesi sheshildi. Búginge tańda bizde 7400 úlesker bar. Sonyń 4600-i páterlerin bıyl alady. Kelesi jyly qalǵan 2800-niń de máselesi sheshiledi", dedi Ahmetjan Esimov.
Qala basshysynyń aıtýynsha, bıyl páterlerin alatyn 4600 úleskerdiń 2,5 myńy "Aq kent" kesheninde. Olardyń 1300-i páterleriniń kiltin búgin, al qalǵan 1200-i jyldyń aıaǵyna deıin alatyn bolady.
