11:23, 20 Qazan 2022 | GMT +6
Almatyda kelesi jyldan bastap mektep avtobýstary qatynaıdy
ALMATY. QazAqparat – Almatyda qala mektepterine 100 avtobýs satyp alynady. Olar kelesi jyldyń qańtar aıynan bastap júre bastaıdy, dep habarlaıdy QazAqparat tilshisi.
Almaty ákimi Erbolat Dosaevtyń Bostandyq aýdanynyń turǵyndarymen kezdesý barysynda qala turǵyny mektep avtobýstary qashan júre bastaıtynyn surady.
«Ótken máslıhattyń otyrysynda osy máseleni bıýdjetke kirgizdik. Bıyl arnaıy mektepter úshin 100 avtobýs satyp alamyz. Ol úshin jalpy 2 mlrd teńge bóldik. Avtobýstar kelesi jyldyń 1 qańtarynan bastap júretin bolady. Qaladaǵy 8 aýdan ishinen avtobýs baratyn 29 mektep tańdaldy. Bostandyq aýdany boıynsha avtobýs Ál-Farabı dańǵylynyń joǵary jaǵynda ornalasqan mektepterge tańerteń qatynaıdy»,- dedi Erbolat Dosaev.
