Almatyda keler jyly taǵy 600 avtobýs satyp alynady
ALMATY. QazAqparat - Almatyda taǵy bir avtobýs baǵyty jańardy. Búgin qala ákimi Baýyrjan Baıbek jeke tasymaldaýshy satyp alǵan jańa avtobýstardy kórdi, dep habarlaıdy QazAqparat tilshisi.
Jańa avtobýstar №141 baǵytqa qyzmet etýge shyǵatyn bolady.
Atalǵan baǵyt boıynsha endi jolǵa 12 metrlik tómen edendi avtobýstar shyǵady. Olardyń barlyǵy aýa baptaǵyshtarmen jabdyqtalǵan jáne Evro-5 ekologııalyq standartyna saı.
Jańa avtobýstar Aınabulaq yqsham aýdany men «Most» aıaldamasynyń arasynda jolaýshylar tasymaldaıtyn bolady. Baǵyttyń barlyq júrgizýshileri biryńǵaı jańa forma kıgen.
Jalpy, bıyl qala boıynsha 479 jańa avtobýstar alyndy, keler jyly taǵy 600 avtobýs alý josparlanǵan. Olardyń basym bóligi bıýdjetten tys qarjy esebinen satyp alynýda.
Eske salsaq, munyń aldynda BRT jelisi aıaldamalarynda paıda bolǵan alǵashqy elektrondy tablolardan baǵyt nómiri jáne qoǵamdyq kóliktiń aıaldamaǵa qaı ýaqytta jetetini týraly aktýaldy habarlamany oqýǵa bolatyndyǵyn habarlaǵan edik.
Bul joba da bıýdjetten tys qarjy esebinen iske asýda.
