Almatyda keler jyly 8 jańa mektep salynady

Almaty ákiminiń orynbasary Erjan Babaqumarov Alataý aýdanyndaǵy №196 jalpy bilim beretin mektepte boldy. Bul – úsh aýysymmen oqytatyn megapolıstegi jalǵyz mektep.

E.Babaqumarov «Rahat» shaǵyn aýdanyndaǵy qazir jumys istep turǵan №196 mekemeniń ornyna 1500 oryndyq jańa mektepti salýǵa daıyndyq barysyn tekserdi. Búginde munda qurylys jumystary bastaldy. Ol 2021 jyly aıaqtalady. Joba «Jumyspen qamtýdyń jol kartasy» baǵdarlamasy aıasynda júzege asyrylady.

Qalada bala týý kórsetkishiniń joǵary bolýyna jáne belsendi kóshi-qon protsesterine baılanysty mektepterde oryn tapshylyǵy bar.

Almaty ákimi Baqytjan Saǵyntaevtyń qala turǵyndarymen kezdesýinde Alataý jáne basqa da aýdandar turǵyndary bul máselege qatysty usynystaryn bildirgen bolatyn. Usynystar eskerile otyryp, bilim berý nysandarynyń údemeli qurylysynyń 2025 jylǵa deıingi baǵdarlamasy ázirlendi.

Pandemııaǵa qaramastan bıyl 2 mektep boı kóterdi. 2021 jyly jańadan 8 mektep jáne 17 japsarlas qurylys ǵımaraty salynatyn bolady. 8 mekteptiń 3-eýi (árqaısysy 1500 oryndyq) Alataý aýdanynyń Darhan jáne Tomırıs shaǵyn aýdandarynda jáne Túrksib aýdanyndaǵy Qaırat shaǵyn aýdanynda salynýda.

Jalpy, qabyldanyp jatqan sharalar qosymsha 23 myń oqýshy ornyn qamtýǵa jáne 2021 jyly oqýshy oryndarynyń tapshylyǵyn 73% azaıtýǵa múmkindik beredi.

«Qala ákimi Baqytjan Saǵyntaevtyń tapsyrmasy qalanyń barlyq aýmaǵynda, meıli ol ortalyq bolsyn, sheti bolsyn – sapaly ári qoljetimdi bilim berýdi qamtamasyz etý. Bul, ákimniń qalanyń shet aımaqtaryn damytý jónindegi «Jańa Almaty» keshendi baǵdarlamasynyń basty basymdyqtarynyń biri», - dedi E.Babaqumarov.

№196 jalpy bilim beretin mekteptiń dırektory Gúlnár Qabdýllına balalar men ata-analar jańa mekteptiń ashylýyn asyǵa kútetinin atap ótti.

«Mektep 1500 orynǵa josparlanǵan. Bizdiń mekteptiń 617 oqýshysy jáne basqa shaǵyn ýchaskelerden kelgen balalar - barlyǵy osy jańa mektepke barady. Barlyǵy asyǵa kútip otyr», - dedi ol.