Almatyda kedenshiler el aýmaǵyna tyıym salynǵan psıhotropty zat alyp kirmek bolǵan azamatty ustady
ALMATY. 12 naýryz. QazAqparat - Keshe Almatydaǵy halyqaralyq áýejaıda qalalyq kedendik baqylaý departamentiniń qyzmetkerleri «Jetisý» keden beketiniń qyzmetkerlerimen birlesip «Bromepazan» dárilik zatyn tárkiledi.
Ony el aýmaǵyna Frankfýrt - Almaty áýe qatynasyndaǵy 646 reıspen ushyp kelgen bir azamat zańsyz alyp kirmek bolǵan. 6 mılıgramnan 50 tabletka bar bul dárilik zat shyny ydysta, óndiriste jasalǵan tyǵyz qorapqa salynyp qaptalǵan kórinedi. Esirtki, psıhotropty zattardy jáne prekýrsorlardy toptastyrýdyń jıyntyq kestesinde «Bromepazan» psıhotropty zatqa jatqyzylady. Bul preparat sot-hımııalyq saraptamaǵa jiberildi.
