Almatyda kedenshiler 2 kelige jýyq kontrabandalyq zergerlik buıymdardy tárkiledi
ALMATY. 15 mamyr. QazAqparat - Keshe Almatyda Kedendik baqylaý departamenti ekonomıkalyq kontrabanda boıynsha Túrkııadan el aýmaǵyna zańsyz zergerlik buıymdardy alyp kirýge qatysty 2 oqıǵany áshkereledi.
Olar aldymen Almaty halyqaralyq áýejaıynda Ystambul qalasynan Qazaqstan Respýblıkasynyń kedendik shekarasy arqyly Almaty qalasyna, zergerlik buıymdaryn jasyryn zańsyz ótkizbek bolǵan 1972 jylǵy Qazaqstan azamatshasyn ustady. Kúdiktini jeke tekserý barysynda jalpy salmaǵy 1 keli 216 gramm túrli tústi baǵaly tastardan áshekeılengen sary ashyq tústi metaldan jasalǵan saqına, bilezik, syrǵalar tabylǵan.
Odan keıin «Ystambul - Almaty» baǵytymen ushyp kelgen, 1956 jyly týylǵan qazaqstandyq taǵy bir azamatsha qolǵa tústi. Kedenshiler onyń qol júginiń ishinen keden organynda deklaratsııadan ótpegen jalpy salmaǵy 596 gramm zergerlik buıymdardy tárkiledi. Endi bul eki fakti boıynsha Almaty qalasynyń kedendik baqylaý departamenti Qazaqstan Respýblıkasynyń QK-niń 209-babynyń 1-tarmaǵyna sáıkes qylmystyq is qozǵamaq.
